თანამედროვე სტილი

თანამედროვე სტილი განსაკუთრებული მოვლენაა ინტერიერის დიზაინის ისტორიაში. მეოცე საუკუნის დასაწყისში გამოჩნდა და მაშინვე გახდა მოთხოვნადი, პოპულარული და აქტუალურობას არ კარგავს დღემდე.

მისი მთავარი მახასიათებლების – კომპაქტურობისა და მაქსიმალური ფუნქციონალურობის წყალობით, იდეალურად მიესადაგება სხვადასხვა ტიპის სამზარეულოებს. ამ სტილის სამზარეულოს განთავსება შესაძლებელია ძალზედ მოხერხებულად, როგორც პატარა სივრცეში, ასევე დიდი მოცულობის ფართის შემთხვევაშიც.

ფერთა პალიტრა მოდერნისტული სამზარეულოსთვის მრავალფეროვანია. თამამად შეგიძლიათ შეუხამოთ ნეიტრალურ ფერს რამე სრულიად კონტრასტული. მაგ: ტრადიციულ კრემისფერს აქრომატული კენკროვანი გამა, ლურჯი კობალტი ან ნარინჯისფერ – ყვითელი ტონალობა.

ამასთანავე, მოდერნისტული სტილის აუცილებელ დეტალს წარმოადგენს მრავალფუნქციური განათება.

ნეოკლასიკა

Ნეოკლასიკა – თანამედროვე და კლასიკური სტილის შერწყმაა, რომელიც ერგება, როგორც კლასიკურ, ასევე თანამედროვე ინტერიერს და ამასთანავე მუდამ ტრენდულია.

ნეოკლასიკური სტილის ავეჯი სამზარეულოს ხდის მარტივს და მინიმალისტურს. კარგი იქნება თუ ინტერიერის ფერების შერჩევისას პასტელურ ფერებს მიანიჭებთ უპირატესობას, როგორიცაა კრემისფერი, ღია მწვანე, ღია ყავისფერი და ლურჯი. ინტერიერის უკეთ გამოსაკვეთად კი შეგიძლიათ შედარებით მუქი ტონები გამოიყენოთ, შავი და მუქი ყავისფერი.

აქვე უნდა აღინიშნოს, რომ ექსპერტები ამ სტილის სამზარეულოებში ხის ღია ფერების გამოყენებას გვირჩევენ, რადგან ეს ტონალობა ხაზს უსვამს კლასიკურ დეტალებს და ქმნის ნეოკლასიკის სრულ შესანიშნავ ეფექტს.

სამზარეულოში ჩაშენებული ტექნიკის გამოყენების უახლესი ტენდენციების წყალობით შესაძლებელია ტექნიკის უმეტესი ნაწილის ფასადებს მიღმა დამალვა, გარდა კომფორტისა, ამით არ ირღვევა სამზარეულოს ერგონომიკა და ქმნის დიასახლისზე მორგებულ და პრაქტიკულ კომპლექტს.

კლასიკური სტილი

ინტერიერის დიზაინის მოდის ტენდენციები იცვლება, მაგრამ კლასიკური სტილი მარადიულია. ფუფუნების, საიმედოობისა და კომფორტის მოყვარულთათვის ეს იდეალური ვარიანტია.

კლასიკური სტილის ფასადების წარმოებაში ხშირად გამოიყენება მაღალი ხარისხის და ეკოლოგიურად სუფთა MDF, რომელიც ბევრად უფრო ხელმისაწვდომია ვიდრე ბუნებრივი ხე, მაგრამ არაფრით ჩამოუვარდება მას ხარისხით.

ამ სტილის სამზარეულო შესაძლებელია იყოს, როგორც მოკრძალებული, ასევე სავსე მრავალი დეკორატიული ელემენტით. ორიგინალური ზედაპირები, ელეგანტური სახელურები და კიდევ სხვა მრავალი დეტალი გამოიყენება ავეჯის გასაფორმებლად, კლასიკა ყველა წვრილმანშია გამოხატული.

კლასიკურ სტილს არ შეესაბამება თანამედროვე საყოფაცხოვრება ტექნიკა, ამიტომ უმჯობესია არჩევანი ჩასაშენებელ ავეჯზე შეაჩეროთ, რათა სამზარეულომ არ დაკარგოს ის ხიბლი, რასაც კლასიკური სტილი ქმნის.

თუ თქვენთვის პრიორიტეტი უნიკალური, კომფორტული და ფუნქციონალური სამზარეულოა, ჩვენ სიამოვნებით დაგეხმარებით! ექსპერტები შექმნიან თითოეულ კლასიკურ ელემენტს (ფასადი, ზედაპირი, უჯრა, თარო და ა.შ.) თქვენი მოთხოვნების, სურვილებისა და ბიუჯეტის შესაბამისად.

სამზარეულო ქანთრის სტილში

სამზარეულო ქანთრის სტილში – ეს მათთვისაა, ვისთვისაც კომფორტი პრიორიტეტია. ამ სტილისთვის უმთავრესი დეტალი ბალანსია. აქვე უნდა აღინიშნოს, რომ ამ სტილის სამზარეულოსთვის ბალანსი უმთავრესია.

როგორც ხშირად ამბობენ სამზარეულო სახლის გულია, არცერთი დიზაინის სტილი არ შექმნის ისეთ განსაკუთრებულ გრძნობას, როგორც ქანთრის სტილს შეუძლია.

ამ სტილისთვის დამახასიათებელია ვიზუალური ხელმისაწვდომობა. აქ ვერაფერს ვერ დამალავთ, ყველაფერი უნდა ჩანდეს, ხოლო რაც შეეხება მასალას, ერთადერთი სწორი არჩევანი ხეა.

ლოფტი

ლოფტი ქალაქური ინტერიერის სტილის სახელწოდებაა, რომლისთვისაც დამახასიათებელია ღია სივრცეები, მაღალი ჭერი, დაუმუშავებელი კედლები, ქვის იატაკი, სანტექნიკის ლითონის ძველმოდური მილები, რომლებიც დაუფარავად, კედლისა და იატაკის ზემოდან არის ოთახის სივრცეში გადაჭიმული, სადენეებთან ერთად.

ზოგადად სიტყვა ლოფტის (Loft) პირდაპირი მნიშვნელობა არის „სხვენი“, აშშ-ში კი ამგვარად მოიხსენიებდნენ სავაჭრო დაწსებულებების, ქარხნებისა და საწყობების ზედა სართულებს, აქედან გამომდინარე „ლოფტებს“ ახასიათებდათ მაღალი ჭერი და მძლავრი განათება.

ეს სტილი ყველაზე წარმატებულად სტუდიის ტიპის ბინებში გამოიყენება, ავეჯი ხასიათდება მაქსიმალური სიმარტივით და ფუნქციონირებით. მასალად გამოიყენება ლითონი, მინა, სარკე, არასტანდარტული აქსესუარები, პლაკატები და სხვა ატრიბუტები, რომელიც უნიკალურ ელფერს ანიჭებს ინტერიერს.

სამზარეულოს პროექტში შეგიძლიათ გამოიყენოთ ღია თაროები, ბარის მაგიდა და მაღალი მეტალის სკამები