სახლი ლეხ კაჩინსკის ქუჩაზე

პროექტის ღირებულება: 115 000 ლარი

განხორციელების თარიღი: 2026 წლის მაისი

კომპანია ფუტურიუმი წარმოგიდგენთ სრული სახლის პროექტს „სახლი ლეხ კაჩინსკის ქუჩაზე“. „ფუტურიუმის“ ელეგანტური ავეჯი ქმნის იმ ჰარმონიას, რომელიც დასვენებისთვის ასე ძალიან გვჭირდება.

სამზარეულო:
ყველაზე მთავარი, სახლის გული — სამზარეულო! ფასადებზე გამოყენებულია სრულად შეღებილი მდფ-ი, სამზარეულო კი აღჭურვილია ავსტრიული Blum-ის მექანიზმებითა და დამატებითი საჭირო აქსესუარებით. ყურადღებას იქცევს ულამაზესი კუნძული, რომელიც იდეალურია, როგორც დამატებითი სამუშაო სივრცე, აგრეთვე მყუდრო ადგილი დილის ყავისა და საუზმისთვის. უჯრებისა და კარების რბილი, უხმო დახურვის სისტემა ყოველდღიურობას ნამდვილ კომფორტად აქცევს.

შემოსასვლელი:
სახლზე პირველივე შთაბეჭდილებას ეს დახვეწილი, ტევადი და თანამედროვე დიზაინის შემოსასვლელის კარადა შეგიქმნით. სტილი და პრაქტიკულობა პირველივე ნაბიჯიდან იგრძნობა.

ბავშვის საძინებელი 1:
აქვე დაგხვდებათ ოთახის ბინადარი მიკი მაუსი, აგრეთვე იდეალურად დაგეგმილი სამეცადინო და საგარდერობე სივრცე, უჯრების ნელი დახურვის სისტემებით. რაც შეეხება უშუალოდ გარდერობს — ის ცისფერისა და თეთრი ფერის სინთეზშია გადაწყვეტილი, დახვეწილი ფრეზირებული ფასადებით. ვიზუალურ სილამაზესთან ერთად, კარადა ტევადი და პრაქტიკულია.

მასტერ საძინებელი და საგარდერობე:
გადავიდეთ და დავათვალიეროთ მასტერ საძინებელი — საწოლის გვერდზე ტუმბო პატარა ნივთებისთვის, კედელზე დაკიდებული მაკიაჟის კონსოლი და მასტერის მთავარი კუთხე — საგარდერობე, მაქსიმალურად ტევადი, ერგონომიული და დახვეწილი.

სველი წერტილი 1:
სველ წერტილში განსაკუთრებით მნიშვნელოვანია მასალის გამძლეობა. „ფუტურიუმის“ მიერ დამზადებული ეს ავეჯი ნესტგამძლეა და ვიზუალურადაც იდეალურად ერწყმის ინტერიერს.

სამრეცხაო სივრცე:
აქვეა პრაქტიკული და ფუნქციური სამრეცხაო. სარეცხი და საშრობი მანქანები იდეალურად განთავსდა, ტევადი თაროები და უჯრები კი სხვა საყოფაცხოვრებო ნივთებისთვის სრულყოფილ წესრიგს უზრუნველყოფს.

ბავშვის საძინებელი 2:
მეორე საბავშვო საძინებელი — უსაფრთხო და კომფორტული. აღვნიშნავთ, რომ ბავშვების ორივე საძინებელში ავეჯის ფასადებზე გამოყენებულია შეღებილი და ქარხნული მდფ-ის კომბინაცია. მექანიზმები სრულად ავსტრიული Blum-ის რბილი დახურვის სისტემებია, რაც ნივთებისა და სათამაშოების მოწესრიგებას ბავშვისთვისაც კი მარტივსა და მოსახერხებელს ხდის.

სველი წერტილი 2:
მეორე სველ წერტილშიც კომპაქტური და დახვეწილი ავეჯი გვხვდება. სივრცე ბოლომდეა ათვისებული, სათავსოებში კი ყველაფრისთვის საკმარისი ადგილია.

მისაღები სივრცე:
აქვეა ეს დახვეწილი დეკორატიული კარადაც — იდეალური ადგილი სუვენირებისა და საყვარელი ნივთებისთვის.

ტვ სივრცე:
მისაღების მთავარი აქცენტი ტელევიზორის კედელია — თანამედროვე, პრაქტიკული და იდეალურად ესთეტიური.