სახლი წაღვერში

პროექტის ღირებულება: 32000 ლარი

განხორციელების თარიღი: 2024 წლის ნოემბერი

კომპანია ფუტურიუმი წარმოგიდგენთ პროექტს „სახლი წაღვერში“ — საზაფხულო აგარაკისთვის შექმნილ ჩასაშენებელ სამზარეულოს, რომელშიც ბუნებასთან სიახლოვე ხასიათად იქცა. ჩვენ შევქმენით თბილი, ქანთრი (country) სტილის სივრცე, სადაც ღრმა ზეთისხილისფერი (RAL 6003) ფასადები, ბუნებრივი ხის ტექსტურა და ხელნაკეთობის დეტალები ერთიანდება — ზუსტად ისე, როგორც ქალაქგარე სახლის სიმყუდროვეს შეეფერება.

ფასადები და მასალები:
სამზარეულოს ფასადები დამზადებულია ავსტრიული Egger-ის ბრენდის უსახო MDF-ისგან, რომელიც ჩვენი პარტნიორი კომპანია LTB-ის სამღებროში შეიღება ფერის კოდით RAL 6003. ფასადები დამატებით დაიფარა გლუვი მქრქალი (მატ) ლაქით, რაც ფერს უფრო ღრმასა და კეთილშობილს ხდის, სივრცეს კი — მყუდროს. კარკასებისთვის გამოყენებულია Egger-ის ავსტრიული ლამინირებული DSP ბეჟ ფერში, რომლის ყველა კიდე დამუშავებულია პოლიურეთანის ნესტგამძლე წებოთი — ეს კი ექსპლუატაციის ვადას მნიშვნელოვნად ახანგრძლივებს, რაც განსაკუთრებით ფასეულია საზაფხულო სახლის პირობებში.

ნახევარკუნძული:
პროექტის ერთ-ერთი ყველაზე ეფექტური ელემენტი ნახევარკუნძულია, რომელსაც ორმაგი დატვირთვა აქვს — სამუშაო მხრიდან მოწყობილია სათავსოები, საპირისპირო მხარეს კი დასაჯდომი სივრცე. მისი კონსტრუქცია ისეა დაპროექტებული, რომ ბუნებრივი, ხისგან აწყობილის ეფექტს ქმნის. სამუშაო ზედაპირზე გამოყენებულია იტალიური Cleaf-ის ბრენდის ლამინირებული ზედაპირი — სამშრიანი, განსაკუთრებით გამძლე და რელიეფური დაფარვით, რომელიც ხის ნამდვილ ტექსტურასა და სითბოს გადმოსცემს.

ზედაპირები და დეტალები:
სამზარეულოს გეომეტრიის გამო — ორი კუთხის გათვალისწინებით — სამუშაო ზედაპირი ორჯერ გადაიბა ე.წ. ევროგადაბმის მეთოდით, რომელიც ზედაპირებს მჭიდროდ და უხილავად, ლამაზად აერთიანებს. სივრცეს განსაკუთრებულ ხასიათს სძენს ღია, დეკორატიული თაროები, რომელთა ფორმებიც ინდივიდუალურად დაიხაზა და დამუშავდა — ისინი იდეალურად ერგება ფასადებისა და მინიანი ვიტრინების ფორმებს.

მექანიზმები:
სამზარეულო სრულად აღჭურვილია ავსტრიული Blum-ის ბრენდის მექანიზმებითა და აქსესუარებით — Blum-ის უჯრის ორგანაიზერებით, სავლელებითა და რბილი დახურვის ანჯამებით, რაც ყოველდღიურ კომფორტსა და უხმაურო, გამართულ მუშაობას უზრუნველყოფს.

შედეგი:
მასალების კომბინაციამ, ფასადების ფორმებმა და ღრმა ზეთისხილისფერმა საბოლოოდ მოგვცა გამოხატული ქანთრი სტილი, რომელიც სრულყოფილად შეესაბამება წაღვერის ქალაქგარე აგარაკის ხასიათსა და განწყობას.